ليلي خارجه من اوضتها. وهي مشكره بتقول لجدتها

­­ ­
اتنهدت ليلي بضيق وردت عليه وقالت _
نعم يا استاذ اسر خير؟..

رد عليها اسر بهدوء وقال _
ااا انا كنت عايز اطمن عليكي اخبار الشغل معاكي ايه، انا وصيت عليكي حازم علي فكره ولو احتاجتي اي حاجه قوليلي…

ليلي بجديه _
شكرا جدا ليك، بس بجد استاذ حازم ذووق اووي وانا لو احتاجت حاجه هقوله..

اتغاظ اسر، بس رد عليها بهدوء وقال _
طيب ممكن طلب..

ليلي؟ 
اتفضل..

اسر بهدوء _
ممكن بكره نفطر مع بعض..

ردت عليه ليلي وقالت _
اكيد. طبعا ما انت كده كده بتفطر معايا انا وتيتا، يلا بقي تصبح علي خير عشان تعبانه وعايزه انام..

_دخلت ليلي بيت جدتها وكانت مبسوطه جدا وفرحانه واول ما شافتها جدتها سألتها بفرحه كبيره…

الجده _
ايه قالك انه بيحبك وعايز يتجوزك بشريني

ليلي بحماس _
لا مقالش بس بدأ يهتم بيا يا تيته…

الجده بسخريه _
انتي لسه واخده بالك انه مهتم بعد كل اللي عمله ليكي..

ليلي بقلق سألنها _
استني يا تيته انتي تقصدي مين؟..

الجده _
انت اقصد حازم..

ليلي بضيق ـ
حازم ايه بس يا تيته انا بتكلم علي اسر..

الجده بحده _
اسر تاني يا ليلي يا بنتي بصي حازم عامل ازاي راجل ومجتهد ويعرف الذوق والاصول، يجي ليه جنبه اسر…

ليلي بغيظ قالتلها _
بس انا عاجبني اسر يا تيته وهفضل تقلانه عليه لحد ما اوقعه..

اتنهدت الحده وقالت _
ربنا يبعد عنك الشر ويقدملك الخير يا ليلي..

لتكملة الموضوع اضغط على الرقم 11 في السطر التالي👇👇👇