قصه انت اتجوزت علية يا حسن كامله

—

يا بابا وبص على أمه وغمز ..ولا اي رايك يا عروسه
فريده بصتله ونغزته في كتفه
_ولد عيب انا كبرت هالكلام دا
_كبرتي اي يا مزه داحنا اللي كبرناكى بس انتى لسه صغيره ولا اي يا عريس
يا جماعه انا جاى أوفق راسين في الحلال بلاش الكسوف دا
يحيي الكبيروالله يا يحيي. انت فاجئتني بردة فعلك دي ومش عارف اقول اي بصراحه انت في وعيك
_اه طبعا..انا مش هتلاقي اطيب واحن منك تكون معانا وعايش في وسطنا وتعوض امي عن كل اللي شافته انا عارف انك بتحبها ومن زمان بس كنت بكدب نفسي او بمعنى اصح كنت غيران على امى تروح مني انت عارف انا بحبها قد اي بس لما شوفت عينيك والحزن اللي فيها وخيبة الامل انك معرفتش تخلي اللي انت بتحبها معاك دا خلاني اخد القرار دا انكوا تتجوزوا وانا عارف انك هتكون الاب المثالي لينا احنا التلاته …
_انا مش عارف اقولك اي يا يحيي بجد انا محظوظ انك ابني فعلا
_متقولش حاجه وهستناك تيجي تشرب معانا الشاي وتطلب أيدها اصل بنتنا مش قليله برضو
_عنيا طبعا ليك وللعروسه انا يفديني الساعه ..
_طيب يلا يا عريس هستناك بكرا بعد المغرب..
[[system-code:ad:autoads]]اي يا ماما ساكته لي ..
_لما نروح يا يحيي..
_ههههههههه والله انا لو مش شايف انك موافقه مكنتش قولت الكلام دا…
فريده بصتله ونغزته وبصت في الأرض…
وكأنها بنوته في العشرينات يقف حبيبها يطلب يدها من ولى امرها وتنظر في الأرض خجلا ..فكيف تبدين بهذا الخجل يا فتاة الاربعين…
موقفها بيثبت أن الحب مش بالسن اهم حاجه انك تكون مرتاح وسعيد مع الشخص دا وأنه يكون العوض عن كل اللي فاتك واهم حاجه منستعجلش واحنا بنختار الشخص دا لأن معظم الوقت بتكون نتائج سلبيه….
_طيب يجماعه يلا نمشي علشان العيال الغلبانه اللي في البيت اللي زمانهم صحيوا وكمان متاكد انهم هيفرحوا اوووي بالخبر دا ..
وبص ليحيي..
على فكره كلنا بنحبك اووي وفارس بيحبك
_انا عارف من غير متقولى …
_يلا بينا…
روحوا البيت وفريده متكلمتش طول الطريق …من نوعيه انها بتتكسف من اقل حاجه حتى وهي في السن دا عندها رقه غير عاديه المفروض انها بتروح مع السن والوقت بس هي مازالت محتفظه بجمالها ورقتها..
نور كانت صحيت من النوم
_هى ماما مالها محمره كدا
يحيي بيضحك
_اصل متقدملها عريس
[[system-code:ad:autoads]]_نعم ودا مين دا أن شاء الله
_حذري فظري
_عمو يحيي صح
_اي دا عرفتي منين
_عينيه كانت ڤضحاه اصلا..
_للدرجادي
_امال دانا لماحه دانا اللي يراقب كراشات اصحابي
_نعم يا اختى بتعملى اي
_اي لا ابدا مش قصدي اصل يلا انا هروح المدرسه سلام
_ماشي بس لما تچيلي دانا هطلع عينك النهارده
فارس صحي
_صباح الفل
_صباح الخير يا اخويا نموسيتك كحلى
_عادي يعني المهم ايدك عالمصروف وزودوا ها علشان عازم البت النهارده
_نعم يا اخويا بت مين
_ها لا قصدي انى عندي حصص زياده النهارده
_اه ماشي خد ومتتاخرش
_ماشي سلام يا ابو الزمل..
_سلام يا اخويا…
يحيي دخل الأوضه بتاعته وكان حاسس بارهاق كبير
نام على السرير وسند رأسه لورا عنده صداع رهيب في دماغه …
حاول ينام معرفش من الصداع ..
فرج يدور على برشامه مسكنه …
ملقاش..
فخبط على باب أمه ..
_تعالى يا يحيي..
_امي عندك مسكن
_لي يا حبيبي مالك
_بس مصدع شويه…
_ماشي يا حبيبي..
يحيي لفت انتباهه صندوق اول مره يشوفه على السرير ..
قرب منه …
لقى صورة قديمه بتجمع أمه وناس..
_امي مين الناس دي
_دول أهلى بابا وماما واخواتي دي صورة اتصورناها قبل متجوز وانا أصريت عليهم نتصورها كأنى كنت عارفه انى مش نشوفهم تاني..
_يعني دا يبقى اخوكي
_اه دا خالك طارق مسافر من زمان هوا ومراته بس معرفش عنهم اي حاجه من ساعتها
_انتى عارفه دا مين
دا رئيس العصابه…
_اي
يتبع ….
الفصل الخامس و العشرين
_يعني دا يبقى اخوكي
_اه دا خالك طارق مسافر من زمان هوا ومراته بس معرفش عنهم اي حاجه من ساعتها
_انتى عارفه دا مين
دا رئيس العصابه…
_اي
ازاي يبني انت اكيد متلغبط أو بتشبه عليه دا مسافر من زمان ومجاليش ولا مره ولا سال علشان انا عذراه انو مسافر ازاي الكلام اللي انت بتقوله دا..
_والله يا امى زي مبقولك كدا دا يبقى الشخص اللي بيعمل فينا كل دا دا اللي حاول يموتني وبرضو اللي كان محرض حسن ونادين علينا وهوا شخص من الأشخاص اللي مدمره شباب البلد وفاسدين فيها ومدوخين الحكومه وراهم .
_لا يا يحيي انا اخويا ميعملش كدا لا وبعدين دا خالك عيب
_طيب يا امى بكرا الايام هتثبتلك انو هوا لما تشوفيه متكلبش في سلسله واحده مع حسن ونادين هتصدقى..
_لا برضو مش مصدقه…
وخد البرشام اهو وأخرج مش عوزا اتكلم معاك
_طيب ..
خرج وهوا زعلان انها زعلانه بس هوا عارف انو على حق ومع الوقت هيثبتلها كل دا …
واتصل بيحيي الكبير وحكاله كل حاجه حصلت وان رئيس العصابه يبقى خاله…
يحيي اټصدم من اللي سمعه وعارف أن فريده عملت كدا علشان اټصدمت مره في جوزها مش متقبله انها اټصدم في حد تاني وخصوصا يكون قريب منها كدا!!!
يحيي جاله اتصال من الظابط وعرف أنهم قدروا يقبضوا على طارق دا …وحس أن دا افضل إثبات لامه انو ياخدها وتواجهه اخوها براحتها…
ډخلها
كانت قاعده بټعيط
_انا عارف انو صعب عليكي تتصدمي كل الصدمات دي مره واحده بس انا عاوز منك طلب ..
بصتله باستغراب
_عاوزك تيجي معايا دلوقتي وتشوفي بنفسك هوا اخوكي ولا لا…
_ماشي …
هلبس وجايه معاك .
لبست وراحوا وكان يحيي الكبير هناك
قرب من يحيي.
_انت جبتها لي يبني
_علشان تشوف اخوها واثبتلها كلامي
_طيب ربنا يستر…
دخلو كلهم اوضه الظابط ..
ودي تعتبر المواجهه التانيه بالنسبه لفريده مع اللي مفروض اقرب حد ليها…!
دخلوا قعدوا واستنوا…
وفي الوقت دا دخل طارق وهوا متكلبش …
بص عليهم…اټصدم..
_فريده!!
_طارق اخويا
وقربت عليه وخدته في حضنها عاطفة الاخوه خدتها ناحيته بقالها سنين مشافتهوش كانت حاسه قلبها بيتقطع وهي شايفاه كدا…
_لي عملت كدا لي دانت دائما كنت من الناس اللي بتحارب الفساد مش بتعمله فين ضميرك فين نفسك فين اخلاقك وقيمك اللي اتربيت عليها دي تربيه ابونا ليك يا طارق لي خلتني واقفه قدامك الوقفه دي…
_سامحيني يا فريده كان شيطانى اقوى مني انا اسف …
بس انتى عرفتي منين.
_للاسف يا طارق انت كنت بتااذي ابنى اللى هوا انت خاله بس اكيد انت عارف دا علشان حسن كان معاك بس عوزا اقولك حاجه أن البلد الحمد لله هتنضف منكوا ومن امثالكوا عقبال الباقى انا يدعى عليكوا في كل صلاة…
_يا فريده انا..
_للاسف انت ضيعت كل حاجه من ايدك حتى انا خسرتني انا طول عمري كنت يحترمك ويقدرك بس انت وصلت لحاجه عمري مكنت اتوقعها من اقرب حد ليا انا النهارده الصدفه كنت ماسكه
صورنا سوا وكنت نفسي تكون معايا في ضهري لكن للاسف لقيت ضهري محنى انا اتاذيت في كل البشر اللي عرفتهم شكرا انك خذلتني وخذلت ثقتي فيك…
بصت ليحيي ابنها..
_يلا يا يحيي روحنى..
خدها وروحوا..
_انا عوزا اقعد في الأوضه محدش يكلمني..
_بس…
_معلش يا يحيي خليني لوحدي شويه…
_حاضر…
فريده دخلت ..
وقعدت وعيطت وطلعت كل اللي جواها..
عدت الاربعين سنه والدنيا لسه بتخبط فيها وبتخذلها في اقرب حد ليها خذلتها في اقرب الناس ليها يعني الضربه

—

اللي بتيجي من اقرب حد بتوجع اووي وصعب تقوم منها …
خرجت كبت وحمل وتعب سنين افتكرت كل اللي حصلها من زمان ومن صغرها كمان نصيبها انها تعيش في كدبه وخداع وحاجات كتير كانت مفكره أن اللي جاي احسن بس اللي جاي بيجي اصعب …
فضلت ټعيط لحد مخرجت كل اللي جواها…
تاني يوم…
يحيي كان قلقان أن أمه لسه مخرجتش من الأوضه كانت كل مره بتخرج وتقعد معاهم عادي عارف أن الضربه اصعب من الاول …
الباب خبط..
_عمو يحيي في حاجه_انا جاي اتكلم مع فريده شويه ومعاك علشان في حاجه مهمه لازم تعرفوها
_حاضر ثواني هشوفها أصلها من امبارح مخرجتش من الأوضه
_ازاي يا يحيي مشوفتهاش
_قالتلي تسببها
_طيب شوفها
خبط عالباب ..
مفيش رد …
اضطر يفتح الباب ..
اتفاجئ من اللي شافه…
يتبع
الفصل السادس والعشرين
الحقني يا عمو يحيي ..
يحيي اتخض فدخل على جوا اټصدم لما شاف فريده على الأرض وفاقده الوعى …
جري عليها وحسس على رقبتها مكان النبض ..كان ضعيف جدا ..
_اتصل بالاسعاف بسرعه يا يحيي..
يحيي جري مش عارف يعمل اي.
نور كانت في المدرسه جت وشافت اللي بيحصل بدأت ټعيط …
[[system-code:ad:autoads]]يحيي اتصل بالاسعاف وكانت روحه على كفه عفريت مش معقول أمه تضيع منه بسهوله كدا..
يحيي الكبير حاول يعملها اسعافات اوليه وبدأ أنه يحاول يفوقها علشان متدخلش في غيبوبه …
جاب برفان وحاول يفوقها برضو مفيش فايده ..
اللي مديله امل ان في نفس ..
بعد دقائق الاسعاف جت ونقلت فريده على المستشفى..
بعد فتره في المستشفى كانوا واقفين على أعصابهم ونور بټعيط بس…
الدكتور خرج وهوا بيقول بأسف..
_انتوا ازاي تسبوها كدا انتو مش عارفين انها عندها السكر ..!
يحيي اټصدم
_اي امى عندها السكر طيب ازاي مبتقوليش..
افتكر لما كان بيجيبلها اي حاجه حلوة كانت بترفضها أو بتديها لفارس …
_للاسف هى دلوقتي دخلت في غيبوبه سكر والله اعلم هتفوق امتى ..
_طيب ممكن ادخل أشوفها بسرعه والله مش هتاخر
_خمس دقائق بس..
_تمام..
يحيي الصغير دخل يشوفها ..
كان وشها شاحب اول مره يشوف أمه بالضعف دا واول مره يشوفها بالمنظر دا ..
_لي مقولتليش انك تعبانه كدا دائما بتحبي تخبى عليا تعبك عمرك مبينتي تعبك ولا قولتيلي انك تعبانه أو فيكي حاجه لي يا امى دائما قلقاني عليكي بسبب سكوتك دا…
[[system-code:ad:autoads]]انا عارف انك مش بتحبي تشيليني حمل بس انتى مش عارفه انتى بالنسبه ليا اي..
انا عارف انك اكيد حاسه بيا وسمعاني ..
ارجوكي يا امي ارجعى مش هقدر ادخل البيت من غير نفسك فيه من غير محس بأمان وجودك..
ارجوكي ارجعى علشان خاطري…
مسح دموعه..
وخرج وهوا حاسس بالخذلان من الدنيا…
_نور روحي مع عموا يحيي علشان تاخدي بالك من فارس وتذاكري علشان الامتحانات اللي قربت دي ومټخافيش يا حبيبتي ماما هتبقى بخير .
قرب منها وحضنها…
_انا انا مش هقدر اقعد في البيت من غير ماسمع صوت ماما في البيت ومن غير ما انام على رجلها وتحكيلي حدوته وتملس على شعري …
انا عوزا ماما يا يحيي
_يا حبيبتي أهدى أن شاء الله هترجع ادعيلها ..
_كانت تعبانه يا يحيي ومقالتش ..طول عمرها تعبانه ومش بتقول ماما استحملت كتير اوووي انا عوزا حضنها..
_يا نور ارجوكي كفايه اللي انا فيه والوقفه اللي انا واقفها دي عندى زي الاڼتحار انى اكون واقف متكتف مش عارف اعملها حاجه فارجوكي روحي وانا هبقى اجي اطمنك…
وبص على يحيي اللى كان واقف ربنا اللي عالم بحاله من ينظر في عينيه يري بحر من الحزن ..
قرب منه وحط أيده على كتفه..
_انا عارف اللي في قلبك المفروض أن النهارده كان خطوبتكوا بس ..
_انا مش عارف انا لي مش بفرح يعني لي لما اقول خلاص املى لتحقق واحلامى اتحققت الاقى حاجه متخطرش على بالي تيجي تدمر كل دا انا مش معترض على قضاء ربنا بس …
وبص السما .
_يارب انا عاوزها بس عاوز اعيش معاها بقيت عمري عاوز حب حياتى ..
يارب انا عاوز فريده بس من الدنيا دي ..
انت عالم باللي جوايا ومدي حبي ليها يارب كفايه انها تكون قدامى بس انا مش عاوز حاجه تاني..
يحيي بصله وعرف قد اي هوا صادق في كل كلمه بيقولها وند م انو مجمعهمش من زمان ..
وأقسم أن لما أمه ترجعله اول حاجه يعملها انو هيجمعهم في بيت واحد…
فات اسبوع على الأحداث دي ويحيي كان معاها دائما وكذالك يحيي الكبير البيت مكنش فيه اي شغف ولا اي حياه ..
ومع أنه كانت الدنيا كلها يتجهز لدخول رمضان كان نفسهم تكون امهم معاهم …
فارس دخل لنور
_النهارده ليلة السحور تفتكري ماما هتيجي..
_ان شاء الله يا حبيبي
كان أول مره فارس يعيط في حياته..
نور اټصدمت لما شافته بټعيط اول مره تشوف دموع فارس
عرفت وقتها أنه في أضعف وقت دلوقتي
قربت منه وحضنته
_يا حبيبي انت بټعيط انا اول مره اشوفك بټعيط
_ماما وحشتني اووي يا نور انا عاوزها عاوز أشوفها انا مش عارف انام ولا اكل ولا اشرب انا حاسس انى ضعيف اووي من غيرها
_يا حبيبي لي الكلام دا احنا معاك اهو انا ويحيي واكيد ماما هنوحشها وهتيحي بس انت ادعيلها ومتعيطش علشان متزعلش منك..
_انا هروح اصلى التراويح وادعى انها تيجي وترجعلي علشان وحشتني اووي
_شطور يا حبيبي متعيطش تاني انت دموعك غاليه يا فارس
_حاضر…
في المستشفي..
يحيي الكبير راح علشان يتطمن عليها كان شكله اتغير دقنه كبرت وتحت عينه اسود من قلة النوم ..
كذالك كان يحيي مش بيمشي من المستشفى.
مش بياكل ولا ليشرب واقف دائما قدام الأوضه بتاعتها…
_ماما عامله اي
تتنهد بقلة حيله..
_زي كل يوم مفيش جديد انا تعبت اوووي
_ان شاء الله هتفوق متقلقش..
اتصلت على نور وفارس النهارده
_لا نسيت
_طيب مش هتتسحر معاهم
_لا انا مش همشي من هنا
_يحيي مينفعش تحسسهم أنهم لوحدهم لازم تحسسهم أن مفيش حاجه اتغيرت ولازم تتجمع معاهم خصوصا فارس محتاجلك اكتر من اي وقت انا عارف انك متقدرش تمشي بس حسسهم بفرحة رمضان وانك جنبهم ..
_حاضر هروح اتسحر معاهم واجى
_ماشي يلا…
يحيي روح وكانت نور قاعده .ومعاها فارس
وكان جايبلهم سحور معاهم من برا وكان معاه عمو يحيي..
_نور
_نعم يا يحيي
_تعالى يلا يا حبيبتي جهززي السحور دا علشان نتسحر كلنا سوا
_مليش نفس
_لا يحبيبتي هناكل كلنا سوا وبعدين انتى عوزا ماما تزعل منك وغير كدا انتى عندك دراسه ومدرسه علشان تعرفي تكملى يومك
_حاضر..
جهزت السحور واتسحروا كلهم سوا
_فارس
_نعم
_مالك مش بتاكل لي
_متعود انى اكل من ايد ماما ومتعود انها تكون معانا واحنا بناكل وجودها كان محلى الاكل والبيت وكل حاجه ..
_هترجع ومش هتتاخر ..عتبرها مسافره ..ومتهملش في نفسك علشان لما ترجع تلاقي فارس زي ما هوا شقى ومطلع عينها
_لا خلاص مش هتشاقى تاني
_طيب يلا كل علشان تعرف تذاكر ولا مش عاوز العجله
_حاضر…
خلصوا سحور
وكان يحيي الكبير فخور جدا بيحيي ومبسوط أنه الاب لإخواته وأنهم بيحبوه جدا وانا عارف يسيطر على حزنه قدامهم..
يحيي خرج راح المستشفى ..
وكان في حركه غريبه عند الأوضه بتاعت فريده..
اتخض وجري ناحية الاوضه..
_هوا في اي..
_المريضه فاقت..
يحيي بسعاده.
_بجد
_بس عندها شويه مضاعفات لو ملحقنهاش ممكن تدخل في غيبوبه تاني ويا عالم هترجع امتى وممكن ټموت فيها..
_اي!
يتبع..
الفصل السابع و العشرين
_هوا في اي..
_المريضه

—

فاقت..
يحيي بسعاده.
_بجد
_بس عندها شويه مضاعفات لو ملحقنهاش ممكن تدخل في غيبوبه تاني ويا عالم هترجع امتى وممكن ټموت فيها..
_اي!
انتو بتهزروا صح ماما عمرها مهتسبني هى هتفوق علشانى انا عارف خلوني أشوفها بس..
يحيي دخل في نوبه هستيريه ونوبة بكاء اول مره تحصله مش متخيل أن أمه هتسيبه وتمشي كدا بالسرعه دي
الدكتور خرج وهوا بيتنفس الصعداء
يحيي جري عليه والدموع في عينيه
_ها حصل اي يا دكتور طمني
_الحمد لله قدرنا نسيطر عالوضع وهتفضل تحت الملاحظه ٨ساعات وان شاء الله خير متقلقش
_يارب
الدكتور مشي ..
ويحيي قعد مكانه مش متخيل كل اللي بيحصله دا حاسس بالإرهاق والتعب وهوا لسه في السن دا وحاسس أن هوا حياته هنقف على أنها تكون وحشه بس…
عدا ال٨ ساعات وكانوا اصعب ٨ساعات عليه كأنها هتحدد هوا هيكمل ولا لا …
الدكتور جه
_صباح الخير يا يحيي
يحيي بلهفه ومن غير مقدمات
_ماما عملت اي
_انا عارف انك قلقان متقلقش هي هتكون كويسه انا هشوفها دلوقتي
الدكتور دخل ويحيي وقف قدام الباب مش عاوز يشوفها ومش قادر يتحرك متربط كان نفسه يكون دكتور كان زمانه عرف يساعدها
[[system-code:ad:autoads]]الدكتور خرج وهوا مبتسم
_الحمد لله هى دلوقتي شبه فاقت وكمان عدت مرحلة الخطړ وتقدر تشوفها وتتكلم معاها لما هتحس بيك هتفتح عينيها
يحيي سمع كلامه ودخل ووقف قدام السرير وقرب منها ومسك ايديها..
قلبي واجعنى وانتى في الوضع دا ومش عارف اعملك حاجه ..
وحشتيني اووي يا ماما جوايا حاجات كتير عاوز اقولها لك عاوز انام وأحط راسي على رجلك وتحسسي على شعري واحكيلك كل اللي جوايا..
اصحي يا ماما بقى علشان نور وفارس محتاجينك فارس مش بياكل علشان بيحب ياكل من ايدك يلا بقى علشان خاطري مش هزعلك تاني لو انا مزعلك مش هزعلك صدقيني انا بحبك يا امي ..
وعمو يحيي بيحبك يلا علشان تتجوزوا وافرح بيكوا احلا ام وأحلا اب ..
وفضل يتكلم كتير اووي لحد ماحس أن أيدها بتتحرك تحت أيده فتح عينه ومسح دموعه وبصلها بذهول ..
_ماما انتي صحيتي ماما
سمع انين من تحت جهاز التنفس وبدأت انها تفتح عينيها …
يحيي بفرحه
_يا دكتور ماما فاقت
قالها مرات كتير والممرضه جت وجابت الدكتور …
وفحصها .
وكلمها
_عامله اي قلقتينا كلنا عليكي
الحمد لله بس حاسه انى دايخه
[[system-code:ad:autoads]]_دا بس علشان انتى بقالك اسبوع مفارقانا
اي اسبوع
وبصت ليحيي كأنها بتقوله انا اسفه عن اللي عملته دا
يحيي قرب منها وباس أيدها
_وحشتيني يا امى البيت ضلمه اووي من غيرك انا كنت حاسس انى ھموت لو جرالك حاجه لي خبيتي عليا انك عندك السكر
_كفايه اللي انت كنت فيه يا حبيبي
_يا امي انتى اهم من كل حاجه انتى اهم مني انتى عارفه أن لو جرالك حاجه انا ممكن اموت فيها وعارفه انى مقدرش اعيش من غيرك
عارفه يا حبيبي ربنا يخليك ليا
_ويديمك في حياتي يارب يلا بقى اخرجي احسن بطني دودتت من أكل برا وانتى عارفه طبعا نور متتوصاش في الاكل
_هههههه ماشي يا حبيبي
_اه وكمان النهارده اول يوم رمضان فعاوز محشي
_ياااه هوا انا نمت كتير كدا
_شوفتي بقى مكنتيش خاېفه على ولادك الغلابه دول
_لا طبعا يا حبيبي خاېفه انت عارف كويس انتو عندي اي بس انا الدول كان خلص من عندي ومعرفتش اشتريه بسبب الظروف اللي كنا بنمر بيها
_طيب لو سمحتى خدي بالك من نفسك بعد كدا…
مر يومين وفريده حالتها استقرت وخرجت من المستشفى ونور فرحت اووي وفارس وقضوا شهر رمضان في خير ومحبه ولمه وكان معاهم يحيي الكبير كان بيفطر معاهم ..
وكمان اتفقوا أن يكون كتب كتابهم في العيد الصغير
_شكلي حلو
دي كانت كلمه فريده اللي كانت حاسه نفسها عندها عشرين سنه مش حاجه وأربعين كانت بتقول لنور ..
_يا ماما انتى قمر في كل حالاتك انا اول مره اشوف اللمعه دي في عنيكي انتى جميله اووي وعمو يحيي كمان ياريتك كنتي قابلتيه من زمان ..
_يا حبيبتي محدش بياخد اكتر من نصيبه .صح ولا اي..
_اكيد ..
المهم انتى متاكده انك امى انا حاسه انك اختى عمو يحيي هيدلع النهارده
_امشي يبت يبكاشه من هنا
في الوقت دا دخل يحيي..
وصفر ..
_اوووبا اي يا ماما الجمال دا لا انا مقدرش على كدا هتخليني اغير واقولوا معنديش بنات للجواز
بجد يا ماما انا حاسس انى بجوز بنتي مش امى ..
وقرب منها وباسها من جيبينها.
_الف مبروك يا اجمل عروسه في الكون …
نور علي سبيل الضحك
_عقبالي يارب عقبالي
_يشيخه ودا من امتى
_لما شوفت ماما
_ماشي يختى..
يحيي الكبير جه ومعاه المأذون وكانت آليا موجوده هى وباباها ومامتهاواخوها كان تجمع شبه عائلي..وكمان يحيي عزم احمد ..
فريده خرجت ومعاها نور..
يحيي يصلها وسرح في جمالها وكان مش قادر يشيل عينه من عليها كان حاسس انو شاب مراهق رايح يتجوز البنت اللي حارب علشانها ..
قربت منه وسلمت عليه ..
مازالت فريده محتفظه بجمالها الخاص علي الرغم من سنها الا أنها تتميز بجمال ورقه لا توجد في بنات هذا الجيل…
بارك الله لكما وبارك عليكما وجمع بينكما في خير
يحيي مسك أيدها وبأسها وقالها
_الف مبروك يا حرمي المصون..عقبال الفرح