فكرت بتعجب
ولقيت انها ممكن خايفة من حاجة فقالتلي اسم مختلف عن اسمها:
– الست اللي ساكنة في الشقة اللي قدامي
– يا بيه الشقة اللي قدامك مقفولة من تلت سنين محدش فتحها
حسيت اني اتصعقت مكاني من الصدمة, الراجل ده بيخرف بيقول ايه, امال مين داليا دي اللي بشوفها واللي خبطت عليها وفتحتلي,
حرامية يعني ولا ايه..😳
– طيب تعالى اطلع معايا اوريك انها مسكونة
– يا بيه انا مستحيل اطلع الشقة دي بعد اللي حصل فيها
– حصل فيها ايه ؟؟
– الشقة دي اتقتلت فيها واحدة من تلت سنين
جسمي كله اتنفض وسبت الراجل يهلوس وطلعت شقتي, وقفت قدام باب شقتها عايز اخبط وافهم, بس في النهاية الخوف منعني ودخلت شقتي, حاولت كتير اني انام لحد ما في النهاية نمت..
صحيت على صوت خبط على الباب, بصيت في الساعة لقيتها 2 بعد منتصف الليل, مين ده اللي جاي يخبط على شقتي في الوقت ده, خرجت للصالة وفتحت الباب وفوجئت بيها, داليا واقفة على باب شقتي,
بصيت لها بخوف وتعجب وسألتها:
– انتي مين
– مانا قولتلك داليا
– عاوزة ايه
– جاية عشان نتكلم في تفاصيل الجواز
– لا اعتبري كل ده كان كلام لحد ما اعرف اصلك وفصلك
– يعني انتي بتخون العهد اللي قولت فيه انا عاوزك مهما كانت مشكلتك
– اة اعتبريني بخون العهد
في اللحظة دي وشها اتحول لونه للأحمر القاني, وكأنها طالعة من فوهة بركان, وفي اللحظة التانية نور العمارة كله قطع, جسمي كله اتلبش وحسيت اني هقع من الرعب, قفلت الباب فورا ودخلت جريت على الاوضة بتاعتي, و
ولقيتها واقفة قدام سريري في الضلمة, واقفة زي تمثال من الشمع,
اتكلمت بصوت مرعوب:😰
– انتي مين
– مانا قولتلك داليا
– دخلتي ازاي وانا قافل الباب
– مش مهم دخلت ازاي المهم اني هقولك على السر عشان توفي بوعدك انا عاهرة, ومش أي عاهرة انا عاهرة قتيلة
بصتلها وهي في الضلمة وقلبي بينط من صدري عشان تكمل:
– جيت الشقة دي من تلت سنين في شغل, بس الحقير رفض يدفعلي ولما صرخت وحاولت افضحه قتلني وهرب, بس انت قولت هتتخطى المشكلة وموافق تتجوزني, موافق تتجوز عاهرة وقتيلة في نفس الوقت
حسيت بجسمي كله بينهار, اعصابي كلها سابت وشعري كله وقف, سمعتها بتتكلم وتقول:
– دلوقتي هتوفي بوعدك ولا لا
فهمت اني لو قولت لا هتبقا نهايتي زيها تقريبا:
– هوفي بوعدي بس متأذنيش
بقلم الكاتب: أحمد محمود شرقاوي
…………………………………..
في اليوم التاني نزلت على شغلي
خلصت الشغل ورجع لقيت عم اسماعيل قاعد, اتكلم وقالي:
– ها يا بيه لقيت حد فوق في الشقة
– لا ياعم اسماعيل ملقتش حد, كان كلامك مظبوط انا اللي كنت بهلوس
طلعت شقتي وفتحت الباب لقيت داليا لابسة فستان فرح وقاعدة في قلب شقتي, قاعدة عشان تستقبل عريسها في ليلة العمر, عريسها اللي تقبل انه يتزوج عا.هرة, قتيـLـة..😳😔
تمت بفضل الله صلوا علي النبيﷺ♥
.
موقع كامسترو للسياحة العالمية من أفضل المواقع فى مجال السياحة انصح بزيارتة .
